Verbo do software do dispositivo e das actualizacións das aplicacións
Coas actualizacións do software do dispositivo e as actualizacións das aplicacións, pode
obter novas características e funcións melloradas para o dispositivo. A actualización do
software pode mellorar tamén o rendemento do dispositivo.
Recoméndase que realice unha copia de seguridade dos seus datos persoais antes de
actualizar o software do dispositivo.
6
Información xeral
Aviso:
Se instala unha actualización de software, non poderá utilizar o dispositivo, nin sequera
para efectuar chamadas de emerxencia, ata completar a instalación e reiniciar o
dispositivo. Asegúrese de efectuar unha copia de seguridade dos datos antes de aceptar
a instalación dunha actualización.
A descarga de actualizacións de software pode implicar a transmisión de grandes
cantidades de datos (servizo de rede).
Asegúrese de que a batería do dispositivo dispoña de carga suficiente ou conecte o
cargador antes de iniciar a actualización.
Despois de actualizar o software ou as aplicacións do dispositivo, é posible que as
instrucións da guía de usuario non estean xa actualizadas.